Анхны амсалтаар л салж чадамгүй Шпротка салатыг хийж сураарай! Баярын ширээг тань хамгийн ихээр чимэх болно

Мөн хамгаас хайртай хүмүүстээ хийж өгөх ёстой амтат салатны нэг Шпроткаг хэрхэн хийх зөвлөгөөг та бүхэндээ хүргэж байна.

Орц:

1. Шпрот – лааз
2. Төмс -3 ширхэг
3. Лууван -2 ширхэг
4. Өндөг -3 ширхэг
5. Ногоон сонгино – 50-100гр
6. Ногоон гоньд, давс, майонез

Бэлтгэх ажил:

1. Салатыг өндөр шилэн саванд бэлтгэнэ.
2. Шпротыг шүүстэй нь хамт лаазнаас нь салгаж, шилэн саванд хийнэ.
3. Шпротны дээр чанаж болгосон төмсийг үрэгчээр үрж дэвсэж тараана.
4. Үүний дээр жижиглэж хэрчсэн ногоон сонгиноо тавина. Майонез, давс, перецнээс түрхэж өгнө.
5. Дараа нь чанасан өндөгний цагааныг үрж жигд цацаж тараана.
6. Чанасан луувангаа мөн адил үрж дэвсээд, майонез, давс, перецээ түрхэнэ.
7. Үүн дээр өндөгний шараа гараараа нунтаглаж жигд тавиад , дээр нь ногоон гоньдоо цацаж өгнө.
8. Бэлэн болсон салатаа хөргөгчинд 30 минут байлгана.