ЗөвлөгөөЛайфстайл

Уургийн дутагдалд орсноос болж таны бие сульдаж, ядарч байгааг илтгэх 8 шинж тэмдэг

Уураг нь бидний бие махбодийн үйл ажиллагаанд чухал үүрэгтэйг бид бүгд сайн мэднэ. Хэрэв таны биед уураг дутагдвал бие махбодь чинь зовиурлах боловч та анзаарахгүй. Дэлхий даяар ойролцоогоор 1 тэрбум хүн уургийн дутагдалтай байгаагаас төв африк, өмнөд азийн хүүхдүүдийн 30% нь хоол хүнснээсээ бага зэргийн л уураг авч байна.Бараг өлөн зэлмүүн гэсэн үг.

Тэгэхээр уургийн дутагдалд орсон гэдгээ яаж мэдэх бэ? Bright Side-нхан энэ талаар юу олж мэдсэнийг таньтай хуваалцая.

8.Өлсгөлөн мэдрэмж байнга төрөх

© depositphotos

Та үргэлж өлсөж, хоол зуушинд татагдах мэдрэмж төрөөд байвал энэ нь магадгүй уураг багатай, нүүрс ус, сахарын агууламж ихтэй хооллолттой чинь холбоотой. Бид өндөр илчлэгтэй хоол хүнс хэрэглээд уураг авч байна гэж бодож болохгүй. Учир нь илчлэг нь уургийн агууламжтай тийм ч хамааралтай биш юм.

7. Үе мөчөөр өвдөх, булчингийн масс алдагдах

Булчинд хүний биеийн уургийн ихэнхи нь нөөцлөгдөж байдаг. Булчин сулрах, зовиурлах болон жингээ алдах нь уургийн дутагдалд орж буй шинж тэмдэг юм. Судлаачид энэ нь өндөр настай хүмүүст түгээмэл тохиолддог болохыг илрүүлсэн.Уураг нь булчингийн өсөлт хөгжилт, нөхөн сэргэлтэд амин чухал нөлөөтэй.

6.Арьс, хумсанд асуудал үүсэх

© depositphotos

Уургийн дутагдал нь хумсны бат бөх чанарыг сулруулж хэврэг болгох хэлбэрээр илэрч болно. Түүнчлэн зарим тохиолдолд хумсан дээр цагаан савхан зураас үүсч эсхүл бор толбонууд гарч ирдэг.
Уураг нь эсийн нөхөн төлжилт, эс шинээр үүсэх, үхжсэн эсийг нөхөн сэргээх зэрэгт чухал оролцоотой байдаг тул уургийн дутагдал илэрвэл арьсны зөөлөн, чийглэг, уян хатан байдал алдагдана. Хэрвээ арьс чинь хуурайшиж, үрчлээтэн, хагарах шинж тэмдэг илэрвэл уургийн дутагдалд орсон байна гэсэн үг.

5.Үс унах

© depositphotos

Бидний үсний 90% нь кератин гэх уургийн нэгдлээс бүтдэг. Та хангалттай хэмжээний уураг авч чадахгүй бол үс чинь нарийн ширхэгтэй, үхмэл өнгөтэй болно. Учир нь бие махбодь шаардлагагүй хэсгийн уургийн хэрэглээг багасгах, зогсоох ухаалаг механизмтай. Ингэснээр дээрх шинж тэмдэг үүсдэг.

4.Элэг өөхлөх

© depositphotos

Өөхлөсөн элэг нь уургийн дутагдлын хамгийн түгээмэл нэг хэв шинж юм. Нэгэнт энэ шинж тэмдэг илэрсэн бол дахин хэвийн байдал орохгүй бөгөөд элэгний үрэвсэл, хатуурал, дутагдал үүсч болох аюултай.

3.Ясны сийрэгжилт, хугарал

© depositphotos

Уургийн дутагдал нь булчинтай адил ясны бат бөх чанарт ч бас сөргөөр нөлөөлнө.Чөмөг нь хангалттай уураг авч чадахгүй бол ясыг сулруулж улмаар сийрэгжилт, хугарлын шалтгаан болдог байна. Кальцийн шимэгдэлт, бодисын солилцоонд уураг ямар их хэрэгтэй нь үүнээс харагдана.

2.Нойргүйдэл

© depositphotos

Хэрэв та унтаж чадахгүй хөрвөөх, бага нойрсох, цочиж сэрэх асуудалтай бол уураг дутагдлын шинж тэмдэг байж болно. Хоол хүнс дэх уургийн агууламж нь тритофан хэмээх нойрны дааврын ялгаралтад шууд нөлөөтэй тул сайн унтаж амармаар байвал уургаар баялаг бүтээгдэхүүнийг унтахаас 3 цагийн өмнө идээрэй.

1.Тархины үйл ажиллагааны удааширал

© depositphotos

Тархины үйл ажиллагааг дэмжихэд уургийн зохистой хэрэглээг авах нь маш чухал юм. Хэрвээ та урам зориггүй, идэвхитэй биш, залхуурсан, юмыг амархан мартаж санасан эсвэл шинэ зүйл сурахад бэрхшээлтэй мэт санагдаж байвал энэ нь уураг дутагдлын шинж болно.

АНУ-ын Эрүүл мэндийн яамны мэдээлснээр насанд хүрсэн эрэгтэй өдөрт 56 грамм, эмэгтэй өдөрт 46 грамм, хүүхэд 34 г хүртлэх уураг авах ёстой. Хэрэв та жирэмсэн эсвэл өвчтэй бол энэ нь өөр байж болно.

Өнөөдөр шаардлагатай уургийн хэмжээгээ хэрэглэхийг хүсье. Учир нь бид таньд үргэж эрүүл энх аз жаргалыг хүсдэг шүү дээ.

Цогтоо Админ

Social Media хөгжүүлэгч, Монголын анхдагч дижитал маркетингийн хөгжүүлэгчдийн нэг, IA болон AN хөгжүүлэгч, нийтлэл бичих дуртай, орчуулга хийх дуртай, Аав, Дүү, Ах, Нөхөр тийм л хүн байна даа би.

Төстэй мэдээ

Сэтгэгдэл

avatar
Back to top button
error: Мэдээлэл Хуулбарлах Хориотой !!
Close