ЗөвлөгөөЭрүүл мэнд

Тархийг гэмтээж байдаг бидний үргэлж хийдэг буруу зуршлууд, Яасан ч эдгээрийг хийж болохгүй!

Биеийн бусад эрхтнүүдийн л адилаар тархи зарим нэгэн хүчин зүйлээс болж гэмтдэг ажээ. Харин бусад эрхтнүүдээс бага зэрэг ялгаатай нь бид өөрсдөө ч мэдэлгүйгээр, өдөр тутамдаа хийж буй үйлдлүүдээрээ тархийг гэмтээж, түүнийгээ мэдэхгүй явсаар байдаг.

#1 Харилцан яриа дутагдах

Мичиганий их сургуулийн эрдэмтдийн тогтоосноор өдөрт 10 минутын турш хэн нэгэнтэй харилцан ярилцах нь тархины чадамжийг өсгөж байдаг ажээ. Гэхдээ энэ нь таныг зогсоо зайгүй чалчаад бай гэсэн үг биш шүү.

#2 Сахарын хэт их хэрэглээ

Судлаачдын үзсэнээр сахар хэт их хэрэглэх нь тархины эдүүдэд, ялангуяа урт хугацааны ой санамжтай холбоотой хэсэгт сөрөг нөлөө үзүүлдэг аж.

#3 Тархиа цэнэглэхгүй байх

Хүний тархи 16-25 насанд ажиллагаа, хөгжлийнхөө оргил үед хүрдэг бөгөөд 25 наснаас хойш үйл ажиллагаа нь аажим аажмаар доройтдог аж. Харин ном унших зэргээр тархиа ямар нэгэн зүйлд ажиллуулахгүй байвал тархины доройтол илүү түргэн явагддаг байна.

#4 Өглөөний цайгаа уухгүй байх

Сурагчдын дунд явуулсан судалгаанаас үзвэл өглөөний цайгаа тогтмол уудаг сурагчдын хичээлийн идэвх, дүнгийн үзүүлэлт нь өглөөний цайгаа уудаггүй сурагчдаас хавьгүй илүү байжээ. Өглөөний цайгаа уухгүй байх нь цусан дахь глюкозийн хэмжээг багасаж, тархинд муугаар нөлөөлдөг аж.

#5 Түргэн хоол

Түргэн хоол болон шарсан, хайрсан чанаргүй хоол хүнс нь тархины эдүүдийн холбоост муугаар нөлөөлж, богино болон урт хугацааны ой санамжийг муутгадаг байна. Мөн түргэн хоол их идэх нь сэтгэл гутралд хүргэдэг гэсэн дүгнэлтэд ч эрдэмтэд ч хүрчээ.

#6 Зайрмаг

Хүйтэн хүнс, ялангуяа зайрмаг идэх үед бие махбод дулаанаа хэвийн хэмжээнд хадгалахын тулд тархи руу дулаан цус их хэмжээгээр явуулж, судсыг өргөсгөдөг байна. Үүнээс болж бидэнд мэдрэгддэг шинж тэмдэг нь толгой өвдөх юм.

#7 Ухаалаг утас

Ухаалаг утас нь хүний тархины эдүүдэд муугаар нөлөөлдөг гэдгийг хархан дээр хийсэн судалгаагаар нотлогджээ. Гэвч орчин үед ухаалаг утас хэрэглэхгүй байх нь бараг л боломжгүй зүйл болсон тул судлаачид хүнтэй утсаар ярихдаа чихэн дээрээ барилгүй аль болох чанга яригчаар, эсвэл чихэвчээр ярихыг зөвлөдөг байна.

Төстэй мэдээ

Back to top button
error: Мэдээлэл Хуулбарлах Хориотой !!